Медаль Коплі

Медаль Коплі
Арыгінальная назва	англ.: Copley Medal
Краіна	Вялікабрытанія
Тып	навуковая ўзнагарода[d] і медаль
Кім уручаецца	Лонданскае каралеўскае таварыства
Дата заснавання	1731
Статус	уручаецца
Сайт	royalsociety.org/… (англ.)
Медыяфайлы на Вікісховішчы

Медаль Коплі (англ.: Copley Medal) — вышэйшая ўзнагарода Каралеўскага таварыства Вялікабрытаніі. Прысуджаецца «за выбітныя дасягненні ў якой-небудзь галіне навукі».

Медаль заснаваў сэр Годфры Коплі (англ.: Sir Godfrey Copley, 1653—1709), багаты землеўладальнік, аматар навукі і член Каралеўскага таварыства. У сваім завяшчанні ён распарадзіўся заснаваць фонд, працэнты з якога павінны штогод накіроўвацца, па меркаванні Каралеўскага таварыства, на заахвочванне навуковай дзейнасці. Акрамя медалю, лаўрэат атрымліваў грашовую прэмію ў памеры 100 фунтаў. У наш час памер прэміі павялічаны да 5000 фунтаў.

Першую прэмію атрымаў у 1731 годзе Стывен Грэй, за адкрыццё перадачы электрычнасці на адлегласць. Другая прэмія (1732) дасталася яму ж. З тых часоў прэмія, за рэдкім выключэннем, прысуджалася кожны год; сярод яе лаўрэатаў мноства ўладальнікаў нобелеўскай прэміі (52 — па фізіцы, 14 — па хіміі, 21 — па медыцыне).

Спасылкі

• Copley archive winners 1799—1731 (нявызн.). The Royal Society. Праверана 6 лютага 2010. (англ.)
• Copley archive winners 1899—1800 (нявызн.). The Royal Society. Праверана 6 лютага 2010. (англ.)
• Copley archive winners 1989—1900 (нявызн.). The Royal Society. Праверана 6 лютага 2010. (англ.)
• Copley recent winners: 1900—present (нявызн.). The Royal Society. Праверана 6 лютага 2010. (англ.)
• Першапачатковы выгляд медалю Архівавана 17 ліпеня 2012. (1737)
• Сучасны выгляд Архівавана 22 лістапада 2013.